De Primavera

De Primavera

door Harm uut’t Darp

Harm uut’t Darp hef de trapmechine weer van stal ehaald, noe ut zunnegien weer lãkker warm begint te schienn. Veurege weeke was ut dan zovârre: Ut mös en zöl gebeurn. Niks gin veurbereiding of ampâttegheid: Fietskleding an, lüch in de bänties en trampm mar.

Marja, Harm was nog geen tien telln van huus of, en leup toen al teegn iets an. Noeja, ik waere wat kâts vergeetn. Ut loerdink hâk niet op de neuze zittn. Mar veur de eerste rit, mös dat dan mar zo.  Ik pedaleern olderjeekes hâd ( ha ha , geintie natuurlek…. ) oaver ’n diek naor Deevmter. Ut stááln ros van aluminium  hef een veurkeur veur die Hanzestad. Mooi dattut zo kan. Via ut Schiphol van Teuge, gung ut vedan naor Ap en Heul. Ut was alweer mooi ewes, en via ut kenaal gung Harm weer naor Darp. Dik zesteg km op de klokke vâdder kwam uule repôtter weer thuus biej Everdien. Hafoj, de konte deud mooi zeer. Mar das wenn, natuurlek. Harm gung lãkker douchn, en….. mar wat hêk noe dan an de fietspantalon met bretels hangn?? Ik waere kâts van ’t rabât: Soeze dâk benne! Harm had gewoon zien onderboxe nog an! Sjonge jonge nog an toe.  Enorme hafoj!

Ofgeloopm Zoaterdag was de Primavera van ToerClub Darp en umstreekn. Biej trûgkomst biej de Spikke, kriegt alle deelnemers een balle gehâk. Op ut allerléste moment, beslissn Harm um ok mét te fietsn. Rap de fietspantalon weer an ’t gat. Ditmaol zunder de onderboxe!! De teamfoto was net escheutn, toen Harm   de Stasjonstraotte in kwamp riejn. Mooi op tied dus, en noadat Jan uut Essn mie een gelukkeg Niejjoar had ewenst (!) gung ut circus oppad.  De A groep bestond uut 20 pedaleurs. Een béste groep, en meschien te groot, mar de technies Direkteur besloot, um toch in iene groep te fietsn. Ut was een mooie primavera, met een bonke wind. Een rondje Iesseldiek richting Deevmter (!), Twello Beemte Broekhoestland, Wenum en Góttel, met as toetje de nieje Nieje Zuudweg. Hafoj, dat nieje asfalt zoeffm heerlek vôt onder de dunne banties. Een dikke 65 km laeter was ut peleton weer trûgge biej de Spikke, woar de ToerCub de deelnemers trakteern op een béste balle gehâk een twee drankies.

Bedank TC Darp veur de veilege rit en traktasies!

Reacties zijn gesloten.