Linkse hoek op de Snippelingsdiek?

Linkse hoek op de Snippelingsdiek?

 

Zoaterdagmaen leup de wekker mooi op tied of in huuze Harm Uut T Darp. Ut zöl en mös gebeurn, vedage. De heugste tied um ut staaln ros van aluminium van stal te haaln, en saamm met de Toer Club Darp de pedaaln es flink in de ronte te slingern. Hoewêh uule repôtter pas veur de 2e keer dit seizoen mee gung, was de ontvangs zoas gewoonlek hiel hâttelek. Meschien kwamp dat ok, umdat Jan uut Essn niet van de partieje was. Jan die wenst leedn die niet vake mét fietst, altied een gelukkeg niejjaor.

Met 9 man in clubkleurn,  deud Jaap Chris Hössien uut de poetsdoekn, woar de rit hén zöl goan: Holterbârg en umstréékn.  Nou, ie kunt de bös nat maakn.

Op de Iesseldiek tuffm ut peleton richting Deevmter. Wuule sjeesdn oaver de brug hén, en haddn geen oog veur al ut vrouwlek schoon. Op de diek met snippers, de Snippelingsdiek gung ut biejnoa kâts vekeerd: Ien of andere malloot op een brommert vond ut neudeg, um op ut fietspad de pedaleurs uut Darp es effm flink te loatn schrikkn. Hie joeg ons tegemoet, mar gung gin streep an de kant. Met een vette grijns, stuurn hie vlak langes de geschokkn fietsers op snelheid! Wat een malloot. Ik bedoel eigelek k, met de léste vier letters van malloot. Achterof bedenk ie: ie zölln um een linkse hoek muttn geevm, marja das niet vriendelek edach van Harm. Ut leup dus goed of, mar wuule stönn wêh op schârp.

Via Bathem en NiejHeetn, gung ut fietsnde circus van TC Darp noar de bârg van Holtn. Mar wuule pakkn een weg, die Harm nog niet kenn: De weg van Emotie of Promotie. Volle bak noar boovm en gin pardon. Boovmop gung ut rechtsof, de bult weer of richting OAD. Onderan de Holterbârg riepm mien fietsmoatn: Rechts, Rechtsof ! Harm stuurdn de tweewieler vakkundeg rechtsof, mar zuule joekelln gewoon vedan! Tja, van oe moatn muj ut hebbm, of nie tan?

Ach, in Holtn stuurn uule repôtter twee keer links, en wachn de Holterbârg opniej. Haj anders verwacht? Nee, ut dink lüp niet vôt heur. De snelle vente uut Darp testn mekaere en zichzelf, op weg noar Dalzicht in ut mooie Nijverdal. Gloepens wat trampm, hiel olderjéékes!  Uuteindelek belann wuule an de voet van de Luttnbârgring. De koffie smaekn machteg fijn biej de Schoennlapper in Luttnbârg. Niet vâdder klâtsn, dâw ok gebak met slagroom heb ehâd, he? De tocht gung vedan via Roalte en Liedernijntjewollepluis. Biej de Rooje Iesselbrugge in Swolle ( Eagles rood !! ) gung ut warempel weer bienoa mis: Een teegnligger met loerlappm was al fietsnd, drukker met zien tillefoon zonder kruldroad, dan op ut fietspad te lettn. Gaitjan Bokito of Adriaanus deSchakelspesjalist woarschouwm dit heerschap met een beste galm. Ok dit leup weer goed of. Op de kenaaldiek werd nog effm anezet, um de punties op de i te zettn. Heelhuuds en ongeschonn kwamp een ieder veileg weer thuus. Hössien; bedank jonge veur een hiele mooie rit.

De groenten van Harm uut’t Darp.
Reacties zijn gesloten.