Vanuut ut zadel…………….

Vanuut ut zadel…………….

aOfgeloopm Zaoterdagmirreg stünd tur weer een trainingsrit op de kelender van Toerclub Darp.nl. Harm uut’t Darp gung ok weer es de uutdaging an, um de vente van de fietsclub vanuut ut zadel te anschouwm, te analisasie,…..euh..analiasie,…….nader te bekiekn, zâk mar zeggn, en een bettien teegngas te geevm.

Om klokslag 1 uur, gaf Helko als chef routeplanner ut teekn, um op de spesjaal geprepareerde trapmechines te stappm. Dat leutn de veertien deelnemers zich gin twee maol zeggn. Gelieke, dadelêk en drêk zaatn alle A atleetn op ut staaln ros van aluminium en karbon. Via ut Kenaal, gung ut naor Uune, Niejeboxe en Terwolde. ChrisJaap de Slager haeln Harm uut’t Darp oaver, um gelieke op kop te beginn. Vooruut dan mar. Dan hej oe beurte geliek mar ehad, of nie tan?

 

 

kliko
Kliko na Bennie

Mar de straffe wind rech op de snoette, was noe niet zo hiel fijn. Mar zoas te doen gebruukelêk biej de Toerclub van Darp.nl wordt tur vlotties deur edrèèjd. Das mooi, dan kuj een bettien uutpuffm nao ut nodige kopwârk. Nou; ” Lauwe loen”, zâk uule zeggn! De hiele rechterrieje van ut peleton, had de hâdde wind vòl op de bakkès! Ut leek bie toern meer op hârkn, dan op hâd fietsn, hafoj! Ut leek wêh op Gent Wevelgem, of Parijs Roubaix. In mum van tied, was ut peleton veranderd in een stellegien motorcrossers. Zwâtte snoettn, en veul modder op de glimmende fietsn. Mar ut moch de pret niet drukkn. Nee, d’r an met de lippe! In Terwolde gung ut achterin kâts fout. Bennie uut Woepercity gung an de vlakte, op ut moment dattut ganse pakt vòl in de hoo-iezers mös veur een oaversteeknde klieko ! ( ? ) Bennie kwamp tur zondur kostuumscheurn vanof, alleent ut ego had een kleine domper ekreegn. Gelukkeg mar.

Via Piet Zoomers gung ut hiele circus via Klaornbeek en Loenn, richting Hoenderloo. De plaatseleke ijscoboer Co, van IJs van Co had weineg klandizie disse Zaoterdagmirreg. Mar ut voortrazende peleton hattur gin oog veur. Via Lac du Ugchelen, steuf de geel/zwâtte brigade richting Hoog Soern. Iederiene mös vòl an de bak. Piet nam zien taak as tiedelek kopman zo serieus, dattu een klein steugien laeter mös passn. Nou Pieter, dat kwamp ut peleton goed van passe: Tied umme te plassn! Kopman Kees duurn disse pauze veuls te lange: Klâtsn doej mar biej elkaar op de koffie! Allow vente, opstappm. Biej ut centrum van Hoog Soern kwam de rèègn met bakkn uut de lüch. Dat duurn welgeteld: Vief telln!! Lank genôg um een jassien an te trekkn. De veurzitter gaf een slech veurbeeld ( vollns Kees ) deur zo de groep uut te springn! “Lèèvmgevaorlûk”, zeete. De veurzitter met een rèègnjassien….. Ik bedoele een echtn, hè ? En ut peleton wacht op niemand? Mar wat muj, as oe eign veurzitter achter blif, um een jasse te stèèkn? Dan muj kniepm in de hoo-iezers. Trouwms, dat doet de kriegers uut Darp altied op commando. Peter gòòjn nog wat kooln op ut vuur: “Ik maake ze kâts kepot!” BAM ! Ik kon een kleine glimlach niet onderdrukkn! Eenmaol weer op de kenaaldiek, gung ut weer volle bak d’r op. Met ditmaol de wind schuun van achter. Op dat moment werd tur weer volop ekoerst, en kwamp de rèègn asnog met veul geweld naor benèèdn.  Ja ja, koersn op Zaoterdagmirreg in April…… Ut was de Gent Wevelgem van de Veluwe! Hulde veur de parcourbouwers van TC Darp.nl. Wederom een prachtige tocht, met een bettien vocht….

Vanuut ut Zadel………

De groenten van Harm uut’t Darp.

Reageren is niet mogelijk.